Verko: Busto de Areso Borghese

Description

“Areso, supera laŭ forto, rajdanto-ĉaro, ora kasko, kruela koro, ŝildoportanto, urbsavanto, vestita el bronzo, brakforta, senpardona, lance potenca, o defendanto de Olimpo, patro de batalanto”, Homera Himno.

En Muzeo Homero estas ekspoziciita kopio el realdimensia muldaĵo de la busto de Areso Borghese alta ĉirkaŭ 80 cm. La kopio, plenforma, prezentas nur buston kaj kapon de Areso, ne la tutan korpon.

La vizaĝo de Areso estas turnita dekstren kaj iom malsupren, kien li ŝajnas rigardi. La hararon formas longaj tufoj, kiuj eliras el sub la kasko ektuŝante kolon kaj vangojn.
La skulptisto dediĉis apartan atenton al detaloj, eĉ montrante apenaŭan kreskon de la barbo sur la malsupro de la vangoj. Liajn priskribajn kapablojn montras ankaŭ la kasko ornamita per vegetaĵaj motivoj, per du grifoj sur la kaloto kaj du hundoj sur la viziero.

La kasko surhavas kreston aldonitan en la deknaŭa jarcento, verŝajne por redoni la perditan originalon.
La originalo estas skulptaĵo el Pentela marmoro realigita dum la Adriana regado (117 / 138 p.K.) kaj konservata en Parizo ĉe Luvro.
Ĝi altas pli ol 2 metrojn kaj figuras nudan viran korpon en ripoza sinteno. Ni ne konas la nomon de la aŭtoro, kiu eble reproduktis bronzan helenan originalon de Alkamenes (430-20 a.K.).

La identigo kiel Areso eblas nur danke al la ĉeesto de la kasko kaj de ringo ĉe la dekstra maleolo, kiun, laŭ la mito, li ricevis de sia amantino Afrodito.
La statuo estis parto, kiel la nomo sugestas, de la kolekto Borghese, sed la familio en 1807 vendis ĝin, kun aliaj gravaj verkoj, al Napoleono.