Verko: Virino figuro

Description

“Mastrodascio insistas en aparta maniero ĉe figurado de virino kaj surscenigas propran protean inan universon: parolantajn portretojn de virinoj kaj junulinoj surprizitaj en ilia konfuziĝo aŭ en ilia melankolio”, Maurizio Calvesi.

Figura femminile (Virina figuro) estas 65-centimetra bronza skulptaĵo de silvio Mastrodascio elfandita en 2001. La verko prezentas virinan figuron belforman kaj belproporcian, kiu, starante nuda, ŝajnas ĝui ventoblovon. La junulino estas malstreĉita, kun la pezo apogita sur la maldekstra kruro kaj la dekstra kruro iom turnita eksteren. La brakoj laŭiras la flankojn. La korpo havas plenajn formojn ĉe pelvo kaj brusto. La vizaĝo, iom turnita, maldekstren, elmergiĝas, liberigite el la densa hararo malantaŭenblovita de la vento.

Ĉe palpado estas klare percepteblaj la trajtoj de la vizaĝo, malgranda kaj ronda, kun alta frunto, nazo iom supren, buŝo duonmalfermita kaj profundaj okulkavoj. La haroj, longaj ĝis la kolo, formas malordan mason. La bronzo akiris brunan koloron kun verdetaj nuancoj kaj estas malvarma kaj glata ĉe palpado, kun pli malglataj partoj ĉe la haroj, la brusto kaj la femuroj.

Malgraŭ tio, ke li longe vivis kaj laboris en Toronto, Mastrodascio restis profunde ligita al Cerqueto (provinco de Teramo), lia origina vilaĝo. Prezento de junaj virinaj figuroj estas ofta en lia skulpta produktado. Kvankam liaj figuroj havas ofte komunajn trajtojn, la artisto variigas iliajn vestaĵojn kaj sintenojn, ofte prezentante ilin en momentoj kutimaj kaj ĉiutagaj. Li ĉiam teniĝas ĉe iugradaj verismo kaj realismo eĉ kiam sintenoj kaj vestaĵoj povas memorigi klasikan skulptarton.