Prezento de la libro “Fiabe e novelline” de Guido Gozzano
Posted in Eventoj on 6 October 2026
Dimanĉon, la 18-an de oktobro 2026, je la 11:30.
La Muzeo Omero gastigas la prezenton de la dulingva itala-esperanta libro "Fiabe e novelline" (Fabeloj kaj novel(et)oj) de Guido Gozzano, tradukita de Mariella Calabrini, eldonita de la Itala Asocio de Blindaj Esperantistoj (IABE) kaj ilustrita de Elena Dall'Acqua.
La renkontiĝo estas dediĉita al literaturo, al la internacia lingvo Esperanto kaj al la memoro de Mariella Calabrini, kiu dediĉis sian agadon al la disvastigo de ĉi tiu lingvo kaj al la alirebleco por personoj kun viddifekto.
La libro
Guido Gozzano, unu el la ĉefaj reprezentantoj de la Krepuskismo, estas konata precipe pro sia poezia verkaro. Malpli konata estas lia agado kiel aŭtoro de rakontoj por infanoj. Liaj fabeloj, verkitaj inter 1909 kaj 1914, kondukas legantinojn kaj legantojn en mondon de sorĉitaj regnoj, feinoj kaj kasteloj, kie fantazio, poezio kaj ironio interplektiĝas en rakontoj kapablaj allogi infanojn kaj plenkreskulojn.
Omaĝo al Mariella Calabrini
La eldonaĵo estas ankaŭ okazo por rememori Mariella Calabrini, forpasintan la 9-an de oktobro 2025.Kiel membrino de la Itala Asocio de Blindaj Esperantistoj, Mariella dum multaj jaroj kultivis sian pasion por Esperanto, kunligante ĝin kun konkreta engaĝiĝo favore al blindaj personoj kaj al alirebleco.
En 2012 ŝi komencis traduki en Esperanton la fabelojn de Guido Gozzano, finante la laboron en julio 2022.
La prezento de la libro estos okazo por rememori ŝian engaĝiĝon kaj kundividi la valoron de lingvo kiel ilo por renkontiĝo, interkonatiĝo kaj partopreno.